Այս կողմ, այն կողմ
Թոկոն և Պակոն ֆուտբոլ են խաղում: Գնդակը մերթ Թոկոյի մոտ է, մերթ` Պակոյի: Թոկոն և Պակոն գնդակը փոխանցում են միմյանց;
- Այստե՛ղ եմ, այստե՛ղ եմ, փոխանցի՛ր, - ձայն է տալիս Պակոն Թոկոյին:
- Ա՛յն կողմ, ա՛յն կողմ գնա, - պատասխանում է Թոկոն:
- Ես արդեն այն կողմում եմ, փոխանցի՛ր, - գնդակ է պահանջում Պակոն:
- Այն կողմ եմ փոխանցում, բռնի՛ր, - գնդակն ընկերոջն է փոխանցում Թոկոն:
- Մի քիչ այս կողմ պետք է տայիր, - չի կարողանում կասեցնել գնդակը Պակոն:
- Մի քիչ այս կողմ էլ չէիր կարողանա բռնել, այն կողմ էիր կանգնած: Ես էլ այն կողմ տվեցի, - չի զիջում Թոկոն:
- Այնտեղ չտվեցիր, ես մի քիչ այս կողմ էի կանգնած, իսկ դու այն կողմ փոխանցեցիր, - նեղացած է Պակոն:
Թակոն դիտում է ընկերների խաղը:
- Ինձ էլ սովորեցրե՛ք խաղալ:
- Այս կողմ ե՛կ և կսովորեցնենք, - պատասխանում են տղաները:
- Այստեղ ի՞նչ է, - հարցնում է Թակոն:
- Այստեղ դարպասապահի տեղն է, - պատասխանում է Թոկոն քույրիկին:
- Իսկ այնտեղ ի՞նչ է, - շարունակում է Թակոն:
- Այնտեղ տասնմեկ մետրանոցի տեղն է, - պատասխանում է Պակոն:
- Մի քիչ այն կողմ ի՞նչ է, - կրկին հարցնում է Թակոն:
- Այնտեղ տուգանայինի գիծն է, - պատասխանում են Թոկոն և Պակոն: